بحث عن البرزيل

سلام عليكم

حبايبي هذي اول مشاركة وحبيت عن طريقها اعرف بنفسي انا قطار الموت طالب في جامعة اسمها (UNB ) في برازيليا عاصمة البرازيل طبعاً بتقولون وش نقزك للبرازيل ضاقت الدنياء جوابي راح يكون سريع انا درست في السعودية بلدي طبعاً لغة اسبانية وكملت في اسبانيا ثلاث سنوات في مدينة سلمنكا ورجعت للسعودية ويوم شفت نفسي احوس وادوس على وظيفة والجواب كل واحد يعرفة (يقولون من زين وجهك وشهادتك ) قرر والدي الله يطول في عمرة امين ان يقلعني (يقلعني بالعربي تعني من ذهب الى مكان وهو مجبر يعني من ورا خشمة) للبرازيل والحمدلله من سنة ادرس الثقافة اللاتينية وعايش مبسوط وكل شي تمامووو المهم حبيت اعطيكم فكرة عن البرازيل.
العاصمة مملة بحكم انها جديدة ولسى ما اخذت مكانها تعتبر مدينة عمل لكن فية مدن جنب العاصمة رهيبة جداً طبعاًكل مدينة فيها شلال طبيعي مو زينا كل مدينة فيها حفر طبيعية المهم فيه شلال اسمه اتيكيرا من افضل الشلالات ورحت لة وكل السياح لازم يزورون الموقع اللي فية طبعاً وكثرت اعرف من طبعاً بحكم اني احب اتفلسف .. الجو ممطر على طول ومعتدل شبة على طول واول شارع رح على طول خخخخخخخخ فية اكثر من مدينة حلوة والله لو بعدد لكم بتملون وتقفلون النت وتقولون ياليتة ماتكلم بس بقولكم شي يغني عن كثرة الكلام وش رايكم في الريو دي جينيرو والكرنفال اللي برضوة حضرتة وكان عدد السياح الأوربيين والأمريكيين ثلاثة مليون نسمة بس عشان الكرنفال والله العظيم حقيقة وشفتها بعيني ذكرت مكة الله يشرفها في يوم الحفل زحمة وسرقة وصياح ورعان وتشبيك بنات قصدي تعارف بين الشباب المهم جلست اسبوعين على الكوبا كبانا احلا شاطئ في العالم دون منافس والله جنة الله في ارضة وبعدين كل واحد في حالة مو زي عند بعض الناس لو تطالع فية بالغلط قال خير يابو الشباب مضيع شي لا قول قول طبعاً مارح اقول من من الشخصيات الكبيرة اللي جو وحضرو الكرنفال والله وسكنو قدام شقتي في فندق والله بعيني شفتهم وبالعادة بس في التلفزيون(صعب اقول اخاف فية مباحث هنا بعدين يعطلون دراستي ) سلمت وقلت انا ابنكم طااااااال عمركم وادرس هنا مو جالس دشارة قال بيض الله وجهك بس ماقال شي ثاني ومن بعدها صرفت عمري وقلبت برازيلي بس حسيت انة يقول من وين طلع ذا .
المسافة من السعودية الى البرازيل جيبو الة حاسبة وقلم و ورقة احسبو من الرياض الى اي نقطة في اوروباء مابين ست وراجل قصدي ست وسبع ساعات يعني يعني ماشي ومن اورباء الى سان باولو _ وهي اكبر مدينة في البرازيل عدد السكان 17 مليون نسمة مدينة صناعية وتجارية بشكل فضيع وحلوة من الناحية المناخية_ حوالي 12 ساعة بالتمام والكمال طبعاً(اخر طبعاً والله) اللي بيروح للعاصمة مثلي ينطق في المطار شوي وقد يكون شويات ويقلع للعاصمة ساعة ونصف الساعة يعني يومين الا شوي بالعربي من السعودية الى البرازيل مع الأنتظارات المملة في اوروباء طبع... سوري قصدي اللي يخاف مثلي من الطيران فية حبوب تاكلها تنام سنة مو يوم انصحك تدف يعني تاخذ وحده بس وحده وصدقني ماتقوم الا في البرازيل بس اكتب على صدرك العنوان حق الشقة يودونك بعد هناك.
اتمنى ماطولت( قولو وش خليت) عليكم بس اول مشاركة عطو الحر فرصة وبصراحة اتمنى لكم سفريات ممتعة وجميلة يارب وانصحكم بالبرازيل والله والله شي غير طبيعي ورخيصة بشكل غريب المطفر اللي مامعه ريال ممكن يعيش مبسوط يعني تعالو يالله

شكراً واتمنى ما يكون فية تدقيق على الأملاء عارف ان املائي زي وجهي بس اهم شي توصل المعلومة