حالة تامر بعد حريق الفيلا...وكل اللى عايز يوصل رسالة لتامر

لا الة الا الله
محمد رسول الله
فى الأول انا مش عارف اقول اية ولا اعلق اية عن موضوع الحريق دة لو طلع انة متعمد
مايتهياليش فى حد يبقى حاقد وكاره نجاح لتامر للدرجة دى
وبادعى بجد انة يطلع قضاء وقدر
اول فرحة لتامر هى الفيلا دى
تانى مكان اقابل فية تامر بعد المحنة هى الفيلا دى
المكان اللى بنعتبرة بيتنا كلنا
وكلنا بنروح لتامر اى وقت و لو موجود بيستقبلنا وبيكون فرحان فينا
كارثة بمعنى الكلمة
الموضوع اكبر من ذكريات و جوايز اتحرقت وخسارة كبيرة
الموضوع حرب كبيرة على تامر لازم كلنا نقف فيها معاة
تامر بيطلع من كل محنة اقوى من اللى قبلها بينا احنا
بحبنا لية وبدعمنا لتامر
كلمت تامر وقلتلة كلنا قلقانين عليك وعايزين نعرف اية اللى حصل
تامر متاثر باللى حصل في بيتة فوق ما اى حد متصور
نبرة الحزن واضحة فية مع انة حاول يخبيها
قالى طمن الناس عليا وقولهم مايشيلوش هم وتامر مش زعلان
واشكرلى كل اللى اتصلوا بيا وحاولوا يوصلولى
قولهم تامر طول عمرة هيفضل سعيد وفخور بيكو واللى يزعل تامر زعلكو انتو
مفيش اى حاجة تانية ممكن تزعلنى
قلتلة ياتامر انت اغلى حد عندنا والناس كلها عايزة تتطمن عليك وتشوفك وتعرف اللى حصل
مجرد ما سمعنا الخبر دة كنا زى المجانين حسينا ان احنا اللى حصلنا دة وخوفنا يكون حصلك حاجة
قالى لا الحمد لله انا ماكنتش هناك ولا حد من حبايبى كان موجود بردو
قدر الله وما شاء فعل
لما حسيت انى باتكلم بلسانكو كلكو قلتلو يا تامر طمننا على الجوايز وعلى بيتك بشكل عام
قالى جوايزى اللى خدتها مايضيعهاش حريق
حب الناس و الشغل اللى محضرة مايروحش مهما حصل
الجوايز دى حاجة عينية بس وراها حاجات اكبر بكتير
وراها تصويتات ووراها حب حقيقى ودة اللى باقى ودة اللى يهمنى
قلتلة انا مش عارف ارد اقولك اية يا تامر
بس اقسم بالله محنتك دى محنة لينا كلنا واثرت فينا بجد وكلامك دة زودها عندى
انت بتحملنا مسئولية ومدينا شرف كبير اوى
وانت اكبر دافع لينا
قالى اتعلمت من اللى حصلى ازاى الأنسان يحول
المحنة الــى منحة
وانتو ملايكة تامر وانا عارف انكو زعلانين على زعلى
بس الحمد لله قدر الله وماشاء فعل
ولو حد حاول يأذينى او فاكر انة كدة كسر تامر
فانتو وشغلى الجاى هما اللى هيردوا علية
قلتلة كل واحد فينا بيشوف نفسة انة عايز يبقى تامر حسنى
طول مانت قوى فاحنا زيك
ولو انت ضعفت كلنا هنضيع
احنا بنتعلم منك يا تامر وبنشوف انت بتتصرف ازاى وبنستفيد من اللى بتعملة
قالى ربنا يخليكو ليا طمن الناس وقولهم ماتخافوش
قلتلة الناس عايزة منك حاجة انت شخصيا عشان مهما اتكلمت مش هيصدقوا انك بخير زى مانت تقولها
انا هاقول لكل اللى عايزين يكلموك يكتبوا اللى هما عايزينة واجيبلك كل الورق دة تشوفة بنفسك
عشان نرضى الناس ومايزعلوش وزى مانت معودنا على طول
تامر حسنى اخونا وصاحبنا , نقدر نكلمة ويكلمنا ويدخل السايت لما نحتاجة
وفى ناس عايزة توصلك كلام كتير ودى فرصة عشان يتطمنوا عليك ويقولولك مشاعرهم
قالى طمنهم عليا وقولهم تامر عمرة ما بيحس بمصيبة طول ماحنا مع بعض
تامر حسنى لسا تامر حسنى وهيفضل بيكو تامر حسنى
مفيش حاجة فى الدنيا ممكن تضعفنى ولا تبعدنى عنكو
ربنا مايورى حد مصيبة فى بيتة وربنا يخليكو ليا ياللى مصبرنى على كل حاجة

» رسالة عايز عريس
» أعوذ بالله من الشيطان الرجيم اللى عايز يوقع بينى وبين اخوانى المسلمين .
» أعوذ بالله من الشيطان الرجيم اللى عايز يوقع بينى وبين اخوانى المسلمين .
» تامر يرد على جميع لاشائعات اللى بتتقال عليه حصرى جدا
» توضيح بالنسبه للاغنيه اللى تامر عملها بيهاجم فيها الجزائر