تعمل ايه لو صحيت انهارده لقيت نفسك امبارح !!!!!!!!!!!

تعمل ايه لو صحيت النهاردة ولقيت نفسك امبارح

ممكن اوى طبعا يحصل.. ان انا اصحى النهاردة الصبح الاقى

نفسى لسه فى امبارح او الاقى نفسى اول امبارح او الاسبوع الى

فات او الشهر الى فاتت .. ما هى مش غريبة يعنى .. وهو ايه

الى عدل فى حياتنا علشان اصحى الصبح وما الاقيش نفسى امبارح يعنى

فى الاول اكيد مش هتاخد بالك .. وبعد كده لما تلاقى المواقف

بتتكرر قصادك .. فى الاول مخك هيهنج وهتروح تغسل وشك

ومش بعيد تضرب نفسك كام قلم على وشك علشان تفوق .. وبعد

كده هتحاول تركز ..وتفتكر اخر حاجة حصلت قبل ما تنام كانت

ايه .. او ااخر حاجة كلتها كانت ايه .. وفى الاخر حتى لو افتكرت

هتستلم لانك هتلاقى نفسك مش فاهم حاجة .. وممكن لو حاولت

تفهم هتلاقى نفسك بتاخد تاكسى على اول دكتور نفساني مع ان

مشوار الدكتور ماكنش حصل امبارح من اساسه .. ركز كده معايا

طيب لو انا صحيت امبارح وده بقى امر واقع .. اكيد هيحصلي

تاني كل الى حصل امبارح .. ما هو اصلا كان حصل خلاص ..

يعنى كل الى شفته هشوفه تانى .. (هااه .. لسه مركز) يا تري

هعمل ايه .. ؟؟

هل كل الى عملته امبارح سواء كان صح ولا غلط هعمله تانى

برضة ؟؟؟ وهل هعمله بنفس الطريقة ؟؟ الناس الى اتخنقت معاهم

هتخانق معاهم تانى النهاردة ؟؟ الدرج الى فتحته فى المصلحة

امبارح .. هفتحه تانى النهاردة .. ؟؟ شفت امبارح واحد محتاج

مساعده ونفضتله .. ؟؟ صلة رحم وما عملتهاش .. ؟ غيبة

ونميمية وما سبتهاش .. ؟؟ صلاتى الى اتاخرت عليها ولا حتى

ممكن ما صلتهاش ؟

مريض قصرت فى حقه وما زرتهوش ؟؟ صاحبي محتاج مساعدة

وما ساعدتهوش ؟؟ قشر اللب الى قزقزته وفى الارض ورميته وما

لمتهوش ؟؟؟ مسؤوليتى لامي وابويا ومراتى وجوزى واخواتى

واولادى الى قصرت فى حق ليهم وما وفتهوش ؟؟

امبارح الى عدى عليا وكان ليا حق وما اخدتهوش .. سلبيتى فى

حياتي الى سبتها زى ما هيا ولا جددت فى نفسى ولا طورت فى

حياتي وحياة الى حواليا واى جديد ممكن اعمله وما عملتهوش ؟؟

امبارح الى كان زى اول امبارح وزى الى قبله وقبل الى قبله ولا

فرق معايا .. واهوا كله فى الاول يوم وفي الاخر ما عشتهوش

يا ترى لو نمت احب اصحى فى انهوا امبارح علشان اغير اى

حاجة سيئه انا عملتها .. اصحى فى يوم شتمت فيه حد .. ولا

اصحى فى يوم ظلمت فيه حد.. ولا اصحى فى يوم سرقت ونهبت

فيه حد ؟؟ ولا اصحى فى يوم قصرت فيه فى شغلي وعمل كارثة

واذيت فيها حد .. ؟؟ ... ولا اصحى فى يوم قتلت فيه حد.. ؟؟؟

يا ترى احب اصحى امتى ولا امتى .. ما هى ايامي وانا

عارفها ... وكلها مليانة بلاوي والى فات خلاص عدى ومش

هيرجع تانى ..

طب اصحى اصلا ولا ما اصحاش .. ولو صحيت النهاردة هفرق

عن امبارح ؟ .. ولو ما صحيتش النهاردة وصحيت بكره .. هل

بكره هيفرق عن النهاردة وعن امبارح (هاااه ... لسه معايا .. ؟؟

تعمل ايه لو صحيت انهارده لقيت نفسك امبارح !!!!!!!!!!! 9

تعمل ايه لو صحيت انهارده لقيت نفسك امبارح !!!!!!!!!!! 9

اه ممكن انى اصحة الاقى نفسى امبارح ولا اول
بس اية المشكلة
ممكن بهذة العودة انى اصلح حاجات كتير غلط حصلت
بس ممكن اوى اكرة انى اعيد الماضى
ولو جاء غصب عنى
لان زى ما فية فى الماضى الحلو
فية كوابيس كتير محبش اعيدها ومحبش حد
يفرضها عليا
ولو حصل ورجع هذا اليوم تانى
انا ههرب منة بالنوم
وشكرااااااااااااا جداااااااااااا

» اغنيتين صحيت على صوتها ولو كونت لغيرك
» كلمات اغنية انا خونتك امبارح
» كليب خونتك امبارح 2009
» نفسك فى ايه
» مخنـــــــــــــوق .......... طب تعمل ايييييييييييييه ؟