من حكمداريه العاصمه الى اعضاء المنتدى والمشرفين

السلام عليكم ورحمة الله
كيفكم
ياعضاء احلي منتدي
هو دا مش موضوع والا حاجة
بس مش عارف اصل
كنا قعدين انا وصحابي وافتكرنا شوية حاجات كدا
وقلت أطرحها عليكو
هي نكت علي قصص علي اعلانات قديمة
حسينا اننا افتقدنا القاعدة الحلوة دي وكله انشغل في حالة
يمكن لما تعرفوا تقولا علي أتهبلت ولا حاجه هههههه
او يمكن مش تقروا [url=http://albailassan.com/vb/showthread.php?t=20499&s=28827d9feb66d99c4f12b3afacb3954a]الموضوع [/url]من اصله ههههههههههههه
ويبقي مش نبني غير ان ايدي وجعتني من الكتابة والاحراج طبعا
نبدا بايه
بايه
نكت
نبدا بالنكت

واحد اتشيك ونازل من البيت فامه بتقوله رايح فين مردش عليها ومشى نزل وقف تكس فالسواق بيقوله علي فين يا باشا قاله انا ما قلتش لامى هقولك انتا

محشش ماسك دجاجه ويطقها يقول يا بنت الكلب كل يوم بيض بيض ما فيش جبنه

صرصور طلع من خلاط كهربائى قال: يلعن أبو اللى يدخل ملاهى مرة ثانية

نكمل قاعدة الاعاقة دي

واحد بيقول لمراته أول ما ازمر لك تلبسي و تنزلي
قالت له ليه يا حبيبي هو انت اشتريت عربيه؟ قال لها
لأ اشتريت زمارة

ايه ده مفيش ولا صعيدي في الشارع
أصل كلهم راحوا النكت

واحد بيسأل واحد هو يوم الجمعة يوافق 15؟ قال له
لو ضغطنا عليه شويه ممكن يوافق....

بلديتنا الصعيدى عايز يموت مراته حط لها المسدس في الشاي

كمساري باص أبوه مات ماشي في الجنازة يقول " الجنازة فاضية قدام يا حضرات

الأول:إلحق مراتك ماشية في الشارع اللي هناك مع الواد حموده الكهربائي
التاني : يا عم ده لا كهربائي ولا بيفهم في الكهرباء

اتنين ما شيين في الصحرا جعانين اوي وهيموتوا من الجوع
بصوا لقوا دير ( كنيسة يعني )
واحد منهم قال انا هسمي نفسي جرجس احسن ممكن لو عرفوا مش هيرضوا ياكلوني
التاني قاله لا ياعم انا هقول اسمي
دخلوا علي ابونا رحب بيهم جدا وقالهم احب اتعرف
محمد قال اسمي محمد والتاني قال اسمي جرجس
قالهم ياخدم
هاتوا لمحمد الاكل وقولوا لجرجس اننا صايمين

بيقولك فيه واحد بلدياتنا صعيدى اشترك بمسابقة من سيربح المليون وكان السؤال الثاني:

عصفور باليد ولا عشرة على

أ) الشجرة ------------------- ب) البقرة

ج) الصفراء ---------------- د) الحمراء

فقال لجورج قرداحي من أولها صعبة . ما نسأل الجمهور،
فكان جواب الجمهور 100% الجواب الأول الشجرة،

فقال لجورج مش دايماً الجمهور على حق،نحذف إجابتين. حذفله إجابتين فبقي الجواب الأول الشجرة

والجواب الثاني البقرة.

فقال لجورج يااااادي المصيبة بقى الجوابين الشاكك فيهم .

طب نتصل بصديقي ( هريدي ) فأتصل بهريدي ( إزيك يا أبو صميده كيف أخبارك ، أم صميده إزيها والعيال --)

راحت الثلاثين ثانية وملحق يسأله السؤال.

فسأله جورج قرداحي وهلا شو بدك تسوي

فجاوب راح أنسحب ياعم و آخد ال 200 ريال بتاعت السؤال الأول والمثل بيقول:

عصفور باليد ولا عشرة على الشجرة

_____________

واحد مسطول رجع البيت متأخر فمراته بتسأله كنت فين يا سوبر مان قالها كنت فى مشوار يا وليه
قالتله مشوار ايه يا سوبر مان قالها يا وليه بقولك مشوار قالتله انا عايزه اعرف مشوار ايه يا سوبر مان قالها ياوليه بقلك كنت فى مشوار وبعدين ايه حكاية سوبر مان سوبر مان دى قالتله اصل مفيش حد بيلبس الكيلوت على البنطلون الا سوبر مان

مرة واحدة ست عجوزة قاعدة لوحدها في البيت وبعدين التليفون رن لقت واحد بيقولها انا الرجل ذو الايدي الملوثة بالدماء انا هاجي لك بعد سنة الست قالت ده واحدبيعاكس وقفلت السكة المهم اتصل بيها تاني بعد شهر وقالها انا الرجل ذو الايدي الملوثة بالدماء انا هاجي لك بعد 11 شهر الست بردو قالت ده واحدبيعاكس وقفلت السكة المهم اتصل بيها تاني بعد شهر وقالها انا الرجل ذو الايدي الملوثة بالدماء انا هاجي لك بعد 10 شهور الست بردو قالت ده واحدبيعاكس وقفلت السكة المهم اتصل بيها تاني بعد شهر وقالها انا الرجل ذو الايدي الملوثة بالدماء انا هاجي لك بعد 9شهور المهم فضلو كده كل شهر يتصل بيها لغاية ما في يوم اتصل وقالها انا هاجي لك بكرة الست خافت ليكون بيتكلم بجد تاني يوم اتصل بيها وقالها انا الرجل ذو الايدي الملوثة بالدماء انا هاجي لك دلوقتي الست خافت اوي اوي وفكرت تعمل ايه تعمل ايه وفجأة جرس الباب ضرب فتحت لقت راجل شكله وحش اوي وايديه كلها دم وقالها انا الرجل ذو الايدي الملوثة بالدماء ممكن اغسل ايدي ؟؟

مره كان في اتنين مساطيل قاعدين بيحششوا فا واحد بيقول للتاني انا شايفك اتنين فالتاني بيقولوا لا انا الي شايفك تلاته فقالوا الاول لا انا الي شايفك اتنين المهم قالوا خلاص احنا نروح لشيح المساطيل فقال خلاص نروح لشيخ المساطيل فراحوا وعرضوا عليه المشكله. فقالهم خلاص اصحاب المشكله يقعدوا على جنب والباقي ده كولوا يطلع برا
________

دي كانت نكت القاعدة
هبله صح

نيجي للاسئلة الرخمة جداااااااااااا
بس استحملوا

ركزواااااا معايا

ليه ابوتريكة بيلبس فانلة 22 ؟
عشان 21 ضيقة عليه

طب ليه مبيلبسش 23 ؟
عشان فلافيو بيلبس 23

طب ايه هو الحيوان التعيس؟
القطة
ليه؟
عشان ديما تخربش ومتكسبش

طب ايه الحيوان اللي دايما مشغول؟
الخرتيت .. تيت .. تيت

طب ايه الحيوان اللي بياكل ويشرب بديله؟
كل الحيوانات بتاكل وتشرب بديلها .. عمرك شفت حيوان ساب ديلو وراح ياكل؟

طب ايه اقدم حيوان؟
الحمار الوحشي .. عشان ابيض واسود

طب ايه هو اجدد حيوان؟
القنفد .. ليه ؟
عشان لسه بشوكه

طب ليه التلاجة غبية؟
عشان بتحفظ الاكل .. مبتفهموش

ههههههههههه

في حد بيقول حاجة

اننا رخم والا حاجة

طب كويس
محدش قال

نكمل قاعدة الشلل دي

وبعد كدا
دخلنا علي ايه
ايه
اعلانات زمااااان
فاكريناها
وقعدنا نفتكر
الراجل ابو فالنة حملات دي وطالعة شعره واحده في راسة
نموووس .... نموس عمال يقرص يااخويا مش عارف انام منه يااخويا مش عارف انا
كيتو دا اسم القرص كيتو ناااام
من وقت ما حبيت كيتو يااخويا مش لاقي والا ناموسة يااخويا وعارف انام
بناااااااااااااام

والاعلان التاني المفضل لجميع شعب مصر
هاتلنا ريري هاتلنا ريري اجري بسرعة ياواد ياحسين هاتلنا منه باكو و اتنين الصلاة علي الزين الصلاة علي الزين

وتلاقي الطفل ماشاء الله بقي اد العملاق اول ما ياكل الريرى وبردو الدبوس بتاع البامبرز بيكبر معاه
سبحان الله ههههههههه

إمشي يا ناموسة يا مفعوصة ماتقرصينيش
جالك قرص كيتو هايفششك تفاشيش

وربنا الناس دى بتستهبلنا

لا واحلي اعلان بقي

بتاع الفرخة اللي بترقص
ادبحني ياملعلم قطعني يامعلم واسلقني يامعلم مرقة يامعلم ادبحها يامعلم

والتاني دا

حيجوزونى ... الله طب ما تتجوز يابنى
بقولك حيجوزونى .. وفيها ايه يعنى
كده بردو ..حتجوز . .. انا مش شايف بروبلم
واجيب جهازى منين ... ما عندك جهاز للعروسين
عبد الرحيم عمرو ..طبعا عبد الرحيم عمرو
ما احتكم الامر من عبد الرحيم عمرو ياجماعة وهتجوز هتجوز

كوفارتينا فالخطوبة ..موافقين ..تبقى الجوازة مطلوبة ..موووووووم (( معلش الرقابة ))

كوفارتينا فالفرح ..موافين ..تملى الدنيا مرح مووووووووم
كوفارتينا فالصباحية ..موافقين ..تبقى جوازة هنية
هاهوهي ها هو هو

البنت اللى زى القمر جوزى يا دكتور سابلى البيت ومشى
الدكتور النفسانى اللى كان قمرين بقا
سمنك فى الاكل كتير
لاء
ولا قليل
برضه
لاءلاء
سمنك النخلتين
قومى جربى النخلتين
حبك يرجع فى اكلتين

وارخم اعلان بجد
ان الحملة الفرنسة رجعت عن مصر عشان الشكولاتة
بونبون سيما
شيفلاغوووو
دي الكلمة اللي الجنرال قالها عند سحب القوات

ههههههههههههههههه في اخبل والا اهبل من كدا

برضه اعلان عبد السلام محمد ومحمد رضا بتاع
طول ما تدى ضهرك للترعه عمر البلهارسيا ف جتتنا ما ترعى

اخررررررررررررر حاجة

اعلان كدا...دايما بيجي قبل نشرة الساعة تسعة على الاولى ارضي...ياترى لسه شغال؟؟؟
بتاع.........يسر مشيخة الازهر الشريف........ان تعلن عن تقبلها لزكاة المال نقدا او بشيكات على ان.....
مش عارف ايه

والنبي اللي هيرد يقلي اعلان من الاعلانات دي اصلي بحبهم اوي

ما حد يقولي ان دمى تقيل
والا رخمة
والا الكلام الحلو دا
اصلي بتكسف
و سوري علي الاطالة يا أحلى أعضاء

المصدر: أرض البيلسان

منتدا ماى كووول الجديد

يايت الكل يشرفنى هناك

http://www.myco0ol.com/index.php

» الحقوا يا اعضاء المنتدى
» سؤال لكل اعضاء المنتدى ؟؟؟؟؟؟؟؟؟؟؟؟؟؟؟؟؟؟؟؟
» موضوع مهم لكل اعضاء المنتدى
» مرحبا بكا اعضاء المنتدى الكرام
» مسابقات دينية الي كل اعضاء المنتدى