تابعِ معنا : أخر أخبار مباراة مصر والجزائر

السلام عليكم و رحمة الله و بركاته

الحمد لله و الصلاة و السلام على رسول الله صلى الله عليه وسلم و بعد :

إلى جماهير المنتخبين المصري و الجزائري تعليمات مهمة قبل المباراة

يا ريت حضراتكم تركزوا معانا كويس جدا في الكلام التالي :

بس لازم قبل التعليمات وصف سريع للوضع الحالي للجماهير و هو كالتالي :

كراهية و عداء شديد بين جماهير المنتخبين
جماهير كل فريق يسبون و يلعنون الفريق الآخر و يتمنون لو أن الأرض انشقت و بلعتهم
وصلت الأحداث إلى حد شتم الجماهير للجماهير الأخرى ب : يا أولاد كذا
ترقب للمباراة المصيرية التي هي حياة أو موت لكلا الفريقين
جماهير كل بلد بتحرق علم البلد التانية
استعداد الجماهير لحرب بعد المباراة
وصلت إلى درجة أن امرأة مصرية متزوجة من جزائري تترك منزله بسبب المباراة

و الكل يريد أن يعرف من الفاااااااااااااااائز ؟

أكيد الفائز معروف طبعا

و كل الأحداث دي بتدل على كدة

الفائز هو طبعا : أعداء الدين " اليهود و غيرهم "

أيوة فعلا محدش فينا هيفوز لكن الفريقين هيخسروا كل حاجة كدة

الكلام مش واضح ؟؟؟؟

نوضح شوية

بس يا ريت محدش يرد على الموضوع إلا لما يقرأه كله و استحملوا شوية

دلوقتي ايه اللي بيجمع بين المصريين و الجزائريين ؟؟؟؟

شعبين مسلمين صح ؟

مين المستفيد من الكراهية بينهم ؟ مين اللي يهمه انه يشغلهم عن دينهم بكل حاجة ؟

أنا مسمعتش إننا كرهنا اليهود كدة و لا شتمناهم علني بالطريقة دي كدة يبقى إزاي نعمل دة مع المسلمين ؟؟؟؟؟

قبل ما نبدأ

فعلا الكسبان الوحيد أعداء الدين لأنه لما بيشغلنا عن ديننا احنا المسلمين

يقدر يعمل اللي هو عاوزه

نبدأ نشرح واحدة واحدة

المصريين و الجزائريين شعبين مسلمين
ليه نشتمهم و يشتمونا و كل اللي بيحصل دة ؟
ليه بنبص للجانب الوحش عندهم و نشتمهم بيه و هما يعملوا كدة كمان ؟؟ مين المستفيد ؟؟
بغض النظر مين اللي بدأ

لازم المسلمين كلهم يتحدوا علشان نقدر نرجع أقوى من الأول و نسترد القدس تاني و نسترد كل حقوقنا
إزاي هنستردها و إحنا بنشتم بعض و متضايقين من بعض و كل بلد نفسها الشعب التاني يموت ؟؟؟؟؟
إزاي ؟؟
إيه الفرق بين المسلم المصري و الجزائري ؟
شوفوا الرسول قال ايه عن التفرقة بينهم ؟؟

لازم نتحد يا مسلمين طالما متفقين على كلمة " لا إله إلا الله " يبقى لازم نتحد

أي مسلم لازم يكون في حياته كلها شغال بالولاء و البراء

طبعا فيه سؤال :

يعني إيه الولاء و البراء ؟؟؟؟؟

ببساطة :
الولاء : إني أحب و أنصر الله و رسوله و الإسلام و المسلمين
و كل من زاد قربه من الله بالطاعة يزيد ولائي له و أحبه أكتر

و البراء عكسه

يعني ببساطة المسلم لازم يحب أخوه المسلم لمجرد إنه مسلم

طيب لو المسلم دة بيطيع ربنا ؟؟؟؟ يبقى لازم أحبه أكثر

يا جماعة كلنا مسلمين على منهج أهل السنة و لله الحمد و لازم نتحد في وجه أعداء الدين

قال الله تعالى : " إِنَّ هَذِهِ أُمَّتُكُمْ أُمَّةً وَاحِدَةً وَأَنَا رَبُّكُمْ فَاعْبُدُونِ (92) "

المفسرون بيقولوا معناها : دينكم دين واحد

اللي بيربطنا كلنا ببعض هو الدين مش حاجة تانية

الأخوة في الله :

الصحابي كان لو أخوه كافر كان بيحب المسلم أكثر منه لأنه مسلم و بيعبد ربنا

برضه نقولها تاني : " المسلمين إخوة أكتر من الأخوة من الأب و الأم "

و يكفي كمان من فضل المحبة في الله إن من السبعة الذين يظلهم الله في ظله يوم لا ظل إلا ظله : رجلان تحابا في الله اجتمعا عليه و تفرقا عليه

شوفتم الحب في الله عظيم إزاي و ثوابه كبير ازاي ؟

ليه نشتم بعض و بالشتايم دي كلها ؟

ليه المسلمين يكرهوا بعض ؟ و علشان ايه ؟؟؟؟؟

انت عارف لما تشتم بلد معينة مثلا عدد سكانها مليون يبقى إنت خدت مليون سيئة بكلمة ؟؟؟ لأنك شتمت مليون واحد

فما بالك لما تشتم بلد أكبر ................ هتيجي يوم القيامة تلاقي سيئات كتير

تيجي تسأل السيئات دي ليه ؟
دي علشان انت قولت كذا جملة شتمت فيها شعب بلد كذا و خدت بكل جملة ملايين السيئات

هل دة يفرحك ؟؟؟

ليه نشتم بعض و نخلي اليهود يشمتوا فينا هم و كل أعداء الدين ؟

ليه كل دة ؟

شوف رسولنا الكريم بيقول إيه ؟ " صلى الله عليه و سلم " :

لأنه مسلم فكل دة حرام عليا ناحيته مينفعش اشتمه و لا اضربه و لا اسرقه

كل دة علشان ماتش كورة ؟؟؟؟ و هنستفيد ايه ؟؟

قبل ما تجاوبوا و تزعلوا من كلامي كملوا للآخر

ماتش الكورة هيدخلنا كاس العالم صح ؟؟

و هنكسب ايه لو دخلنا كاس العالم ؟

لالالالا

هنكسب ايه لو طلعنا النهائي و كسبنا كاس العالم ؟

هنروح الجنة أكيد ؟

هنقابل ربنا و نقول في ميزان حسناتنا إننا أخدنا كأس العالم و شتمنا إخواننا المسلمين ؟؟؟؟

احنا طبعا عاوزين نكسب بس يعني ايه نكسب ؟؟؟؟؟

تعالوا نشوف كدة

و الخسارة يعني ايه ؟؟؟؟

تعالوا نشوف :

المصريين و الجزائريين و السعوديين و الليبيين مسلمين

يعني إخوة

مش أعداء

و عمر المسلمين ما هيكونوا أعداء بسبب لعبة يا جماعة

عاوز أقول حاجة أخيرة قبل ما نخلص

فاكرين ماتش الأهلي و ريال مدريد ؟؟؟؟

أكيد فاكرينه طيب شوف المقطع الجميل دة

من هــــــــنــــــــــا

أو هـــــــــنــــــــــا

و كمان بالمرة أكيد فاكرين ماتش نهائي كأس الأمم بين مصر و الكاميرون

شوفوا طيب دة

من هـــــــنــــــــا

أو هــــــــنـــــــــــا

كلمة أخيرة

إحنا فين من ديننا ؟

نصرنا ديننا ؟ خدمنا ديننا زي ما خدمنا الكورة ؟

ليه مش مهتمين بديننا يا شباب ؟؟؟

الكورة مش هتكون في ميزان حسناتي يوم القيامة لكن الدين هو اللي هيكون في ميزان حسناتي

يا ريت نرجع لديننا يا جماعة و بسرعة في أقرب وقت

و يا ترى نسينا إخواننا المسلمين المستضعفين في كل مكان في الأرض

فلسطين و العراق و أفغانستان و الشيشان و الصين و غيرهم

نسيناهم ؟؟؟؟
شكرا لأنكم سمعتوني للآخر

و يا ريت نتغير بخصوص اللي احنا ناويين عليه يوم الماتش

و السلام عليكم

كلامك صح والفايزين اليهود برضو
بس الجزائر لو معندهاش استعداد للى هم عملو
كان عدى الماتش بسلام
لكن دول شعب همجى
عاوزة ايه من شعب بايع كرامتو للفرنسيين
الحمد لله على كل شئ

شكرا اوي
بس الشعب المصري ظهر امام العالم انه شعب محترم مش حاقدر اقول اكتر من كده

» تابع معنا : أخر أخبار مباراة مصر والجزائر..
» إثارة قبل مباراة مصر والجزائر
» حصريــا :: تغطية مباراة (( الاهلي Vs سانتوس الانجولي )) :: مباراة الذهاب دور الـ16 لكأس الأتحاد الأفريقى
» بحث عن صور مصر والجزائر
» بخصوص مصر والجزائر