منتدى سفينه الحب
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

منتدى سفينه الحب

 
الرئيسيةالرئيسية  البوابة*البوابة*  اليوميةاليومية  مكتبة الصورمكتبة الصور  بحـثبحـث  قائمة الاعضاءقائمة الاعضاء  المجموعاتالمجموعات  التسجيلالتسجيل  الشاتالشات  دخول  

Get a_m_o_n chat group | Goto a_m_o_n website
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ



شاطر | 
 

 لمن يحبها...............................

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الامبراطور
مشرف القسم العام والنقاش
مشرف القسم العام والنقاش


ذكر
تاريخ الميلاد : 28/04/1984
العمر : 32
تاريخ التسجيل : 23/02/2009
نقاط : 28567
السٌّمعَة : 0

مُساهمةموضوع: لمن يحبها...............................   الثلاثاء مارس 17, 2009 7:55 am

السلام عليكم ورحمة الله وبركاته



هــــــــــــــــــــــــام

لكل أحبائى واخوانى المصريين

وصلنى مرة ايميل عبارة عن صور لمصر ،، ولكنها سيئة جدا ولا تعطى إلا أسوأ إنطباع عن بلدنا

وأغلبكم إن لم يكن جميعكم وصله نفس الإيميل ..

وتكرر كتير المضمون باختلاف الصور و كيفية التشوية ..!!

والكارثة أن مروجى هذه الرسائل هم مصريين ( ولو ظاهراً )

للدرجة دى أصبحنا حاقدين و ناقمين على بلدنا ؟؟

عمركم شفتوا بلد أغنى وأكرم و أحلى من مصر !!!؟؟

ومع ذلك ما فى حد بيشتم فى بلده غير المصريين !!!؟؟

ممكن يا جماعة نتفق اتفاق مهم جدا بس ياريت تركزوا معايا ،،


عاوزة أسألكم سؤال ,,

هل مصر تستحق منا ذلك ؟؟

هل فعلا مصر سيئة للدرجة دى ؟؟

بلدنا وحشة واحنا لازم ننشر ده على النت
لكل العالم ..!!

هل احنا وحشين ؟؟

اظن " لأ " هى إجابة أول 3 أسئلة

وإجابة آخر سؤال هى " نعم بالتأكيد "

ولا انتم مش معايا ؟

يا جماعة انا بعترف اننا بنعيش أزمات كتير

وفى بلاد كتير جدا كانت أسوأ منا و صارت أفضل بكتير

كمثال : اليابان اللى كانت متاخرة عنا 50 سنة وأكتر

حاليا هى فين و إحنا فين ..؟

وكمان مصر مواردها ماشاء الله و خيرها كتير جدا جدا .. خير يعيشنا ملوك

ورغم ده كله مش عارفين نعيش كويس و تعبانين

بس ده ذنب مين ؟

هل ده ذنب الوطن ؟

طول عمرها بتتسرق ورايح دمها هدر ومازالت صامدة ،،!!

يبقى هى مذنبه واحنا الضحايا !!

جوانا ضغط كتير وألم ميحسش بيه غير اللى عايش ظروفنا

شباب مش لاقى شغل ..!!

مش لاقى يتجوز ..!!

مش لاقى ياكل ..!!

مشاكل كتير أسبابها كتير ،، يمكن اهمها نقص الدين

او كلها بتصب فى هذا المنحدر ..!!

عاوزين نعترض نثور نصرخ

نعمل اى حاجه نفرغ بيها شحنة الكبت اللى جوانا

بدل ما ننفجر

( ده لو مكناش انفجرنا بالفعل ..! )

انا معاكم

الشحنة دى لازم تتفرغ

لكن لازم نفكر كويس ،، عشان نفرغها صح

وتجيب نتيجة كويسة

ترضينا و تزيح عننا الهم او جزء منه

مش تزيده ..!

لحد هنا متفقين ..؟

كويس

فى ناس حبت تاخد الخطوة الايجابية .. جميل

ناس مش عاوزة تخرس ألسنتها و عاوزة تتكلم لحسن تطق ..

جميل جدا

الناس دى عملت ايه ؟

اتصرفت ازاى يمكن نحب نقتدى بيهم

للأسف

ناس خدت رد فعل لمجرد انه رد فعل

مش سعياً لهدف محدد او نتيجة ايجابية

الناس دى اتاخرت شوية فى اتخاذ الخطوة الأولى

وكمان لما بدأوها .. بدأوها غلط ..!

ولذلك استفحلت حالتهم واتقلب الشعور اللى جواهم من الضغط فقط ،،

للكره والحقد على

أمهم

وطنهم

بدايتهم و نهايتهم

وفقدوا الشعور بالإنتماء والإخلاص

بدأوا يشوهوا صورة مصر

ينشروا كل ما يسىء لها من صور

يفضحوا نقاط الضعف

رغم إن ده مش شعورهم من الأصل

ولكنهم أصبحوا وبمنتهى السهولة آداه فى يد الحاقدين الأساسيين

_ بدون الخوض فى تفاصيل او توضيحات _

لمجرد إضعاف النفوس المصرية وسلب كل ما هو معنوى وفى صاالح الوطن الأكبر

لاحباط الشعب و سلب القوى الداخليه

اجمل حاجه فى المصرى هو تمسكه بوطنه وتعزيزه عن اى شىء

وهو ده سر انتصاراتنا فى كل الميادين

وسلب حب الوطن و إهدار مكانته وكرامته داخل الإنسان المصرى من جملة أساليب الحرب النفسية

المتبعة مع لشعب المصرى ،، وياريتنا نصمد

ده كله لصالح مين ؟

لصالح مين نشوه بأيدينا أجمل صورة فى حياتنا

أجمل صورة فى حقيقتنا و خيالنا

وننزع عن قلوبنا رداء الوطنية

ونفقد هويتنا المصرية

لــيـــــــــــــــــــــــــه ؟؟

هنكسب أيه لما نخسر نفسنا

هنكسب أيه لما يكون تفريغ غضبنا عباره عن

حقن سم فاكرين اننا بنعالج بيها بعض ..!!

الغضب الاعمى و السخط والكراهيه عمرها ما كانت حلول سليمة ايجابية

وخصوصا لما يكون وطننا ملوش ذنب

وحتى لو ليه ذنب ؟؟

هو فى حد يتخلى عن وطنه و يشتمه علنا

وكأنه عامل دعوة " للسب المفتوح "..!

يا جماعة ده الواحد فينا لو متخانق مع والده أو والدته مش بيروح يشتم فيهم للجيران

مهما عملوا فيه حتى ولو قتلوه ،، بيفضلوا أهله

ولو حصل أول وأقل حاجة بتتقال " ده قليل الأدب "


طيب احنا مش قليلى الأصل عشان نشتم فى بلدنا علنا و نخلى الناس كمان تشتم معانا ..
يعنى لو انا قبلت الغضب ده من واحد مصرى هقدر ظروفه ..

لكن مش هقبل واحد مش مصرى يشتمنى فى بلدى او فى حد من اولاد وطنى

قال المثل :

" أدعى على ولدى ،، واكره اللى يقول آمين"

احنا بنشتم مش هنقدر نمسك افواه و ألسنة الآخرين طالما

يعنى بكل الأحوال هنتشتم أكتر ما بنتشتم ,,

ساعدونى و ساعدوا أنفسكم

انا عاوزة مساعدة بجد

ومش أنا لوحدى

أنا و كل مصرى ومصرية

أنا و أنتم وكل مصر

لازم نساعد بعض

يمكن نرد جزء من واجبنا تجاه وطننا الأم

يمكن نعوض بيها جزء من كرامتنا المجروحة

يمكن نلاقى حق مضاعش وسط الحقوق المهدورة

يمكن نحس إننا آدميين لينا حق نكون محترمين

مش هنفقد كل شىء حتى إعتبارنا وإنتمائنا

وحقنا فى الدفاع عن بلدنا المظلوم أكتر مننا ..

خلينا ناخد الخطوة الإيجابية الصح

خلينا نشتغل فى الإتجاه الصح

خلينا نرفع من شأن مصر

خلينا نرفع الروح المعنوية لبعض و لكل المصريين

خلينا نلاقى حل بجد

اول حاجه علشان نقدر نفكر صح

مش لازم نساعد على نشر الصور المسيئة لأمنا

مش صح نشكر ونتبسط و نضحك مع الغافلين

اوعى تشوف إيميل من ده و تضحك من قلبك

وتبعته لأصحابك بسرعة عشان يضحكوا

وتقول

only in egypt

عيب

عيب

عيب

انت بتضحك على نفسك

بتضحك على عجزك

بتضحك على اللى بيبكيك

فوووق

ياريت كلنا نفوق

ياريت نعمل حاجه واحدة صح

لو ما قدرناش ننجز فى بلدنا

او نبنى ولا حتى نرص قالب طوب

بلاش نهدم

بلاش نحبط البنائين

بلاش بدل ما نبنى بالطوب نحدف بيه بعض ..!!

ده إحنا أخوات فى الأول و الآخر

بلاش نقطع فى جسد كان السبب الأول فى وجودنا وحياتنا

رعانا واحنا صغيرين

ولما شاخ هاجمناه و اتهمناه بالعجز .. ذنبه أيه ؟؟!!

اخدنا كتير كتير وده وقت العطاء

حتى لو شايف نفسك ما أخدتش حاجة

ليه ماتكونش انت العطّاء

ليه حابب تكون انانى ..!! مش هعطى لأنى ما أخدتش .!

مش منطق

ده واجب ،، وإن لم يكن واجباً فهو فرض .

إحنا الغلطانين

إحنا الإتكاليين

إحنا اللى عاوزين نعيش ملوك من غير ما نتعب ولا نعمل بالدين

بلاش نفضل مقصرين فى حق نفسنا حق بعض و حق وطننا

ده لو مكانش غالى ومكانته عالية عند الله

ما كان جعل الموت فى سبيله من أعلى درجات الشهادة

اخوانى

اتفقنا نمنع الصور المسيئة لبلدنا

خلينا كمان نفخر اننا مصريين

مين فى العالم بلده مذكورة فى القرآن غير

مكة و مصر

بِسْمِ اللّهِ الرَّحْمَنِ الرَّحِيمِ

فَلَمَّا دَخَلُواْ عَلَى يُوسُفَ آوَى إِلَيْهِ أَبَوَيْهِ وَقَالَ ادْخُلُواْ مِصْرَ إِن شَاء اللّهُ آمِنِينَ (99)
يوسف

خلينا نعرف قيمة وطننا و قيمة نفسنا

خلينا نحس بكرامتنا و عزتنا

خلينا ننشر كل الصور الحلوة لمصر

مصر مش كلها وحش

ومفيش بلد فى العالم كله حلو و جميل ومرتاح

البلاد زيها زى البيوت

فيها حلوها و مرها

حلوها لازم يبان ومرها تتقفل عليه البيبان

اتعودنا مشاكلنا ماتخرجش من باب بيتنا

ولا غسيلنا الـ..... يتنشر قدام ولاد حتتنا

واحنا بلدنا زى كل بلد

فيها الحلو و الوحش

لكن خلينا احنا نعمل حملة نعاكس فيها اعداء اهلنا

واعداء أنفسهم

هننشر صور جميلة لمصر ونوريها لكل العام

ونعرفهم تاريخ مصر

ونقول هى دى مصر

هى دى بلدنا

اللى افتخرنا و بنفتخر و هنفضل طول عمرنا نفتخر
اننا أولادها،، وأنها أمنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://amon.yoo7.com
دعاء الكروان
فراشه المنتدى+مشرفه على الاقسم الاسلاميه
فراشه المنتدى+مشرفه على الاقسم الاسلاميه


انثى
تاريخ التسجيل : 23/02/2009
نقاط : 29363
السٌّمعَة : 1

مُساهمةموضوع: رد: لمن يحبها...............................   الثلاثاء مارس 17, 2009 12:08 pm

تسلم ايدك علي الموضوع يا امبراطور

وكلامك جميل جدا
انا عن نفسي من رايي
ان الوطن مالوش ذنب
العيب والغلط في الناس اللي
عايشه فيه
يعني ياريت يحاولوا يصلحوا من حال البلد شويه
ينهضوا شويه بالشباب ويشوفوا مشاكلهم
ويافرحه الحاقدين علي بلدنا اما يلاقوا ناس
بتشتم فيها بس هانقول لهم ان المصري مهما
حصل له من ازمات هايظل يفتخر ببلده التي
هي امنه Wink Wink Wink Wink Wink
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MR TITO
عضو جديد
عضو جديد


تاريخ التسجيل : 07/03/2009
نقاط : 28306
السٌّمعَة : 0

مُساهمةموضوع: رد: لمن يحبها...............................   الثلاثاء مارس 17, 2009 1:53 pm


شكرا يا مصرمن قلبي ربنا يكرمك تتقدمي
رب العباد يا ام البلاد ياما اصطفي ذكرك
تقبلو تحياتى
MR TOTO
اقتباس :
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
yoyo
مشرفه على قسم الحب والرمنسيه
مشرفه على قسم الحب والرمنسيه


انثى
تاريخ الميلاد : 01/09/1988
العمر : 28
تاريخ التسجيل : 07/05/2009
نقاط : 31593
السٌّمعَة : 19

مُساهمةموضوع: رد: لمن يحبها...............................   السبت يوليو 11, 2009 10:46 pm





حبـــــــــــــــــــــــــــــــــــى الوحيــــــــــــــــــــــــــــــد

_________________
ليس اجمل فى الدنيا من قلوب ملأها الحب والاخاء تلتقى على فيض من النور وتتفرق على امل القاء بحـــــــــــــــــــــــــــــبك
مــــــــــــــــــــع خالــــــــــــــــــــــــــص حبى يويو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ياسو
عضو هام
عضو هام


انثى
تاريخ الميلاد : 15/11/1989
العمر : 27
تاريخ التسجيل : 19/05/2009
نقاط : 30835
السٌّمعَة : 4

مُساهمةموضوع: رد: لمن يحبها...............................   الأحد يوليو 12, 2009 5:53 am

[img:a6a7]http://alyasamin.malware-site.www/yasmeen[1].gif[/img:a6a7]






الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
لمن يحبها...............................
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى سفينه الحب  :: القسم العام :: 

@ قسم العام والنقاش @

-
انتقل الى: